Introduction to the Bhagavad Gita [Amharic edition] - Brossura

His Divine Grace A. C. Bhaktivedanta Swami Prabhupada

Brossura

ISBN 10: 0994654812 ISBN 13: 9780994654816

Casa editrice: Bhaktivedanta Book Trust, 2015

Riassunto

ሀተታ ዘ ብሀገቨድ ጊታ ይህ “ሀተታ ዘ ብሀገቨድ ጊታ” ተብሎ የተሰየመው መፅሀፍ የተዘጋጀው፣ የተከበሩት መምህር ሽሪላ ፕራብሁፓድ በኒው ዮርክ ውስጥ ሰጥተውት ከነበረው “የብሀገቨድ ጊታ” ዝነኛ መፅሐፍ ገለፃ የተውጣጣ ነው። ስለ ብሀገቨድ ጊታም መፅሐፍ ቀርቦ የነበረው ገለፃ፣ ልክ እንደ አነስተኛ የእንግሊዘኛ መፅሀፍ ተለይቶ እና ታትሞ “Introduction to Bhagavad Gita” ተብሎ የቀረበ ሆኗል። በዚህም አነስተኛ መፅሐፍ ውስጥ ክቡር ሽሪላ ፕራብሁፓድ ለአንባቢዎቹ ጥልቅ የሆነ እና በጣም ግልፅ የሆነ መግለጫ ስለ ታላቁ የመንፈሳዊ እና የፍልስፍና መፅሐፍ ‒ ስለ “ብሀገቨድ ጊታ” ሀተታውን አቅርበዋል። ይህንንም በእንግሊዘኛ ታትሞ የነበረውን መፅሐፍ አሁን ወደ አማርኛ ተርጉመን ለአንባቢያችን ለማቅረብ በቅትናል። “ብሀገቨድ ጊታ (የዓብዩ ጌታ መዝሙር) መፅሐፍ የሚገልፀው ስለምንድን ነው? የብሀገቨድ ጊታ መፅሐፍ ዋነኛ ዓላማ የሰውን ልጅን ድንቁርና ከተሞላበት የቁሳዊው ዓለም ኑሮ ነፃ ለማውጣት ነው። በምድር ላይ እያንዳንዱ የሕብረተሰብ አካል በተለያየ ዓለማዊ ችግር ውስጥ ተወሳስቦ ይገኛል። በዚህ ዓይነት ችግር ላይ ከወደቁ ሰዎችም መሀከል ስለራሳቸው ትክክለኛ ማንነት እና ለምን ችግር ላይ እንደወደቁ የሚመረምሩ በጣም ጥቂት ናቸው። ሆኖም ግን ለምን ለዚህ ችግር እንደተጋለጡ፣ ከወዴት ወደ እዚህ ዓለም ሕይወት እንደመጡ፣ ከሞትስ በኋላ ወዴት እንደሚሄዱ የሚጠይቁ ሁሉ የዚህ የብሀገቨድ ጊታ መፅሀፍ ዋነኛ እና ትክክለኛ ተማሪዎች ናቸው።”

Su questo libro

Informazioni sull?autore

ስለ ደራሲው አ. ቻ. ብሀክቲቬዳንታ ስዋሚ ፕራብሁፓድ የመፅሐፍቶቹ ደራሲ አ. ቻ. ብሀክቲቬዳንታ ስዋሚ ፕራብሁፓድ (ሽሪላ ፕራብሁፓድ) እንደ ኤውሮፓውያን አቆጣጠር (እኤአ) በ1986 ዓመተ ምህረት በካልካታ ከተማ በሕንድ አገር ውስጥ ተወለዱ። ከመንፈሳዊ መምህራቸው ሽሪላ ብሀክቲሲድሀንታ ሳራስቫቲ ጐስዋሚም ጋር ለመጀመሪያ ግዜ የተዋወቁት እኤአ በ1922 ዓመተ ምህረት ነበር፡፡ በዚያን ግዜ ብሀክቲሲድሀንታ ሳራስቫቲ በጣም ታዋቂ የመንፈሳዊ ምሁር እና እስከ 64 “ጐዲያ ማት” ተብለው የሚታወቁ የመንፈሳዊ ድርጅቶችን ያቋቋሙ ታላቅ የሕንድ አገር መምህር ነበሩ። ሽሪላ ፕራብሁፓድንም ለመጀመሪ ግዜ ሲተዋወቁ ወጣት እና የተማሩ አዋቂ እንደመሆናቸው ሕይወታቸውን ይህንን የቬዲክ እውቀት ለመላ ዓለም በእንግሊዘኛ እንዲያስተምሩ አዘዟቸው። ከዚህም በኋላ ሽሪላ ፕራብሁፓድ የሽሪላ ብሀክቲሲድሀንታ ተማሪ ለመሆን እኤአ በ1933 ዓመተ ምህረት የድቁና ስርዓታቸውን አከናወኑ። ለመጀመሪያ ግዜም ወደ ኒው ዮርክ ከተማ ከህንድ አገር ሲመጡ ምንም ሳንቲም ስላልነበራቸው የተጓዙት በእቃ ማጓጓዣ መርከብ ነበር። አሜሪካ በገቡም ከአንድ ዓመት በኋላ፣ ከብዙ ጥረት እና ልፋት በኋላ፣ የዓለም አቀፉን የክርሽና ንቃተ ሕብረተሰብን በሀምሌ ወር እኤአ በ1966 ዓመተ ምህረት ለማቋቋም በቁ። በህዳር ወርም (እኤአ በ14 November 1977) ከመሞታቸው በፊት ያቋቋሙት የንቃቱ ሕብረተሰብ ድርጅቶች አድገው በዓለም አቀፍ ደረጃ በመስፋፋት ከመቶ በላይ የሚሆኑ ትምህርት ቤትን፣ ቤተ መቅደሶችን እና የእርሻ ማህበራትን የሚያጠቃልሉ ድርጅቶች ለማቋቋም በቁ። ሽሪላ ፕራብሁፓ፣ ለዓለም ህዝብ ያቀረቡት ዋነኛው ነገር ቢኖር፣ የቬዲክ ሥነፅሁፎችን ከሳንስክሪት ቋንቋ ወደ እንግሊዘኛ በመተርጎም፣ ከገለፃው ጋር አትሞ ማቅረብ ነበር። እነዚህም ሥነፅሁፎች በታላላቅ የትምህርት ባለሙያዎች የተከበሩ እና የቬዲክ ስልጣን ያላቸው በትምህርታዊ ጥልቀታቸው እና በገለጻቸው የባለሞያዎች ምርጫ በመሆናቸው በብዙ የዓለም ዩኒቨርስቲዎች እና ኮሌጆች ውስጥ ለትምህርት ቀርበው ይገኛሉ። በአሁኑ ግዜ እነዚህ መፃህፍቶች ከአንድ መቶ በላይ ወደሚሆኑ የዓለም ቋንቋዎች ታትመው ይገኛሉ። በ1972 ዓመተ ምህረት “የብሀክቲቬዳንታ የመፅሐፍ ትረስት” ተብሎ የሚታወቀውም ድርጅት ተቋቁሞ የሽሪላ ፕራብሁፓዳን መፃህፍቶች በማተም በዓለም ታላቁ የህንድ አገርን ፍልስፍና እና የመንፈሳዊ መልዕክት አቅራቢ ለመሆን በቅቷል።

Dettagli dell'edizione

• Editore: Bhaktivedanta Book Trust
• Data di pubblicazione: 2015
• Lingua: Inglese
• ISBN 10: 0994654812
• ISBN 13: 9780994654816
• Rilegatura: Copertina flessibile
• Numero di pagine: 52
• Contatto del produttore: non disponibile
• Persona responsabile: non disponibile