Hey Jibana! - Brossura

Rath, Lingaraj

 
9781645604693: Hey Jibana!
Brossura
ISBN 10: 1645604691 ISBN 13: 9781645604693
Casa editrice: BLACK EAGLE BOOKS, 2023

Sinossi

              ବ୍ୟକ୍ତିନିଷ୍ଠ ବିଷୟବସ୍ତୁକୁ ପରିତ୍ୟାଗ କରି କବିତାର ଭାବ ଯେବେ ବସ୍ତୁନିଷ୍ଠ ବିଷୟାବଳୀ ସହ ସଂଯୁକ୍ତ ହୁଏ, ତେବେ ତାହା ସମସ୍ତଙ୍କ ହୃଦୟକୁ ସ୍ପର୍ଶ କରିପାରିବାର ସାମର୍ଥ୍ୟ ରଖେ । ଜୀବନ କହିଲେ ଯେଉଁ ବ୍ୟାପ୍ତି, ଯେଉଁ ରହସ୍ୟମୟ ଅବବୋଧକୁ ଇଂଗିତ କରେ, ତାକୁ କବିତାର ବିଷୟବସ୍ତୁ କରିପାରିଲେ, ତାହା ପ୍ରତ୍ୟେକଙ୍କ ଅନ୍ତର୍ମନକୁ ସ୍ପର୍ଶ କରିପାରେ । ଡ. ରଥ, ତାଙ୍କର ଏହି କବିତା ସଂକଳନରେ ଜୀବନର ଅନେକ ଅବ୍ୟକ୍ତ ଅନୁଭବକୁ ଛୋଟଛୋଟ ସ୍ତବନ ମାଧ୍ୟମରେ ପରିପ୍ରକାଶ କରିଛନ୍ତି । ଜୀବନକୁ ଏକ ଦାର୍ଶନିକର ଦୃଷ୍ଟିଭଙ୍ଗୀରେ ଦେଖି ଦେଖାଇବାକୁ ଚେଷ୍ଟା କରିଛନ୍ତି । ତାଙ୍କ କାବ୍ୟ-ସ୍ୱରରେ ବୈଦିକ ଋଷିତୁଲ୍ୟ ନିର୍ଲିପ୍ତତା ଲକ୍ଷ୍ୟ କରାଯାଇପାରେ । ଦୁଃଖ-ସୁଖ, ସ୍ୱପ୍ନ-ସ୍ୱପ୍ନ ଭଂଗ, ଜୀବନ-ମୃତ୍ୟୁ ଆଦି ଅନେକ ଅବବୋଧ ଅଛି ଏ କବିତା ମାନଙ୍କରେ । ମାତ୍ର ଏସବୁର ଅଳୀକତାଠାରୁ ନିଜକୁ ବିଚ୍ଛିନ୍ନ କରି ଏକ ଉର୍ଦ୍ଧ୍ୱ ସ୍ତରରେ, ଏକ ସକାରାତ୍ମକ ସାର୍ଥକ ଦୃଷ୍ଟିଭଙ୍ଗୀ ସହ ଜୀବନକୁ ସାମ୍ନା କରିବାର ଆହ୍ୱାନ ବି ଅଛି । ଖୁବ୍ ସହଜ ସରଳ ଶବ୍ଦ ଏବଂ ଶୈଳୀ । ମାତ୍ର ଏହାର ପ୍ରଭାବ ଗଭୀର ।

              ଡ. ରଥଙ୍କ ଏହି ସଂକଳନସ୍ଥ କେତେଗୁଡ଼ିଏ ପଂକ୍ତି ଆନ୍ଦୋଳିତ କଲା ।

୧)       ଜୀବନ ବେଳାରେ ସୁଖର ଢେଉଟି

              ସଦା ଆସେ ନାହିଁ ଫେରି

              ହରଷ କାଳର ମଧୁର ସ୍ମୃତିଟି

              ସଦା ପଡ଼େ ମନେ ଝରି (୧୧)

୨)       ହସିଲା ମୁହଁରୁ ବୁଝନା ବଂଧୁ

              ଦୁଃଖ ଯାଇଛି ଚାଲି

              ଏତିକି ବୁଝିବ ଦୁଃଖକୁ ସିଏ

              ହସରେ ଦେଇଛି ଗୋଳି (୯)

ସଂକଳନ 'ହେ ଜୀବନ' ପାଠକୀୟ ଆଦୃତି ଲାଭ କରି ସଫଳତା ଅର୍ଜନ କରୁ, ଏହା ହିଁ କାମନା ।

--ବଂଶୀଧର ଷଡ଼ଙ୍ଗୀ,"କବିତା ଘର", ଗୁହାଳପଡ଼ା, ନିମାପଡ଼ା, ପୁରୀ-୬

Le informazioni nella sezione "Riassunto" possono far riferimento a edizioni diverse di questo titolo.

Informazioni sull?autore

'ହେ ଜୀବନ!'ର କବି ଡକ୍ଟର ଲିଙ୍ଗରାଜ ରଥ ଜଣେ କୃତବିଦ୍ୟ ସାହିତ୍ୟସ୍ରଷ୍ଟା । ନିଜର ସାହିତ୍ୟ ସାଧନା ତଥା ସାମଗ୍ରିକ ସାହିତ୍ୟ କୃତି ପାଇଁ ଶ୍ରୀ ରଥ ଓଡ଼ିଶା ସାହିତ୍ୟ ଏକାଡ଼େମୀ ଦ୍ୱାରା ୨୦୨୨ ମସିହା ପାଇଁ ସମ୍ବର୍ଦ୍ଧିତ ହୋଇଛନ୍ତି । ଜଣେ ବିଶିଷ୍ଟ ଗୀତିକବି ଭାବରେ ସେ ଆକାଶବାଣୀ ଦ୍ୱାରା ୧୯୮୮ ମସିହାରେ ସ୍ୱୀକୃତିପ୍ରାପ୍ତ ହୋଇଛନ୍ତି । ତାଙ୍କ ରଚିତ ଅନେକ ଗୀତ ଆକାଶବାଣୀର ସମସ୍ତ କେନ୍ଦ୍ରଗୁଡ଼ିକରୁ ପ୍ରଚାରିତ ହୋଇ ପ୍ରଶଂସା ଅର୍ଜନ କରିଛି । ଏତଦ୍‌ବ୍ୟତୀତ କ୍ୟାସେଟ୍‌ରେ ଓ ସାମାଜିକ ଗଣମାଧ୍ୟମରେ ତାଙ୍କ ରଚିତ ଅନେକ ଗୀତ ଜନସାଧାରଣଙ୍କ ନିକଟରେ ପହଞ୍ôଚ ପାରିଛି । ଜଣେ ସ୍ତମ୍ଭକାର, ଗବେଷକ ଓ ଶିଶୁ ସାହିତ୍ୟ ଲେଖକ ଭାବେ ମଧ୍ୟ ସେ ବେଶ୍ ଜଣାଶୁଣା ତଥା ଓଡ଼ିଶାର ଅନେକ ଲବ୍ଧ ପ୍ରତିଷ୍ଠ ସାହିତ୍ୟ ଅନୁଷ୍ଠାନ ଦ୍ୱାରା ପୁରସ୍କୃତ ଓ ସମ୍ମାନିତ । ତାଙ୍କ ରଚିତ ପୁସ୍ତକଗୁଡ଼ିକ ହେଲା; ଗୀତି କବିତା- 'ଗୀତି ମହକ', 'ଗୀତି ପୁଲକ', 'ଗୀତି ଅମୃତ', 'ଗୀତି ନୈବେଦ୍ୟ', 'ହେ ମହାବାହୁ' 'ସବୁରି ପ୍ରଭୁ ତ ଜଣେ'; କବିତା ପୁସ୍ତକ- 'ମୁଁ ଯେ କବିଟିଏ', 'ଏ ଯେ ମୋ ମରମ ଗାଥା', 'ଘାସ ଗଛଟିଏ ମୁହିଁ', 'କବିତା ଏକଶତ', 'ପ୍ରଣୟ ଗୀତିକା'; ନିବନ୍ଧ ପୁସ୍ତକ- 'ଅନୁଶୀଳନ', 'କବି ରାଧାମୋହନ ଗଡ଼ନାୟକ କୃତି ଓ କୃତିତ୍ୱ' ଓ 'ଗଣତନ୍ତ୍ରର ଆତ୍ମା ଓ ଅନ୍ୟାନ୍ୟ ପ୍ରବନ୍ଧ'; ଶିଶୁ ପୁସ୍ତକ- 'ଗପ ପେଡ଼ି', 'ଭାରତ ମୋର ଦେଶ', 'ମନଛୁଆଁ ଗପ', 'ଗଢ଼ିବା ନୂଆ ରାଇଜ', 'ତୁମେ ହିଁ ହସିଲେ ଜଗତ ହସିବ' ଓ 'ଧୀରପାଣି ପଥର କଟେ' ।

Le informazioni nella sezione "Su questo libro" possono far riferimento a edizioni diverse di questo titolo.

Editore
BLACK EAGLE BOOKS
Data di pubblicazione
2023
Lingua
Oriya
ISBN 10 
1645604691
ISBN 13 
9781645604693
Rilegatura
Copertina flessibile
Numero di pagine
150
Contatto del produttore
non disponibile
Persona responsabile
gpsr@libri.de
gpsr@libri.de

Friedensallee 273
Hamburg
22763
Germania